Հինգերորդ զորամիավորման հատուկ նշանակության ստորաբաժանումների զինծառայողների մասնակցությամբ մարտի 9-ին անցկացվել են մասնագիտական հավաքներ:
Ցուցադրվել են տեղանքի բարդ ռելիեֆային պայմաններում քողարկման հնարքներ, կազմակերպվել և իրականացվել են մարտական հրաձգությամբ հատուկ վարժանքներ փոքր և միջին տրամաչափի զենքերով: Այս մասին հայտնում են ՀՀ ՊՆ տեղեկատվության և հասարակայնության հետ կապերի վարչությունից: