կարևոր
1765 դիտում, 2 տարի առաջ - 2020-03-09 16:06

Իրավապահ մարմինները գուցե տիրապետել են որոշակի ինֆորմացիայի, որը պետք էր անմիջապես բացահայտել. Սիսակ Գաբրիելյանը՝ «Վստրեչի ապերի» տանը խուզարկության մասին

Իրավապահ մարմինները գուցե տիրապետել են որոշակի ինֆորմացիայի, որը պետք էր անմիջապես բացահայտել. Սիսակ Գաբրիելյանը՝ «Վստրեչի ապերի» տանը խուզարկության մասին

Լրագողների հետ ճեպազրույցում «Իմ քայլը» խմբակցության պատգամավոր Սուրեն Գրիգորյանն ու Սիսակ Գաբրիելյանը, պատասխանելով իրենց հնչեցված հարցին, անդրադարձան «Վստրեչի ապերի» տանը կատարված խուզարկությանը:

«Ինձ թվում է, որ պետությունը և պետական ինստիտուտները շոուներով առհասարակ չեն զբաղվում, և եթե համաչափ համապատասխան ուժի կիրառման անհրաժեշտություն է եղել, ես ենթադրում եմ, որ դրա անհրաժեշտությունը եղել է»,-ասաց Սուրեն Գրիգորյանը:

Սիսակ Գաբրիելյանը, պատասխանելով լրագողների այն հարցին, թե արդյո՞ք իրավապահ մարմինները չեն ներխուժել Արամ Վարդանյանի տուն, ասաց.
«Եթե ներխուժումն է խնդիրը, ապա բերեք օրենքը փոխենք, ասենք, որ օպերատիվ-հետախուզական գործունեություն ՀՀ-ում ընդհանրապես չի կարելի կատարել, և ամեն ինչ պետք է ծանուցումով, մարդկանց նախօրոք տեղեկացնելով լինի»: 

Սիսակ Գաբրիելյանը չի բացառում, որ դրա անհրաժեշտությունն իրոք եղել է:
«Իրավապահ մարմինները գուցե տիրապետել են որոշակի ինֆորմացիայի, որը պետք էր անմիջապես բացահայտել»,-նշեց նա՝ հավելելով, որ իր մոտ ևս հարցեր են առաջացել՝ կապված Արամ Վարդանյանի կարողությունների հետ: 
«Տեսանյութը դիտելիս ինձ մոտ ողջամիտ հարց առաջացավ, թե որտեղից այս մարդուն միլիոնավոր դոլարների կարողություն այն դեպքում, երբ Արամ Վարդանյանը ոչ գործարար է եղել, ոչ էլ՝ պաշտոնյա»:

Հիշեցնենք, որ 2020թ. մարտի 4-ի գիշերը՝ ժամը 02.40-ի սահմաններում, ոստիկանության հարյուրավոր աշխատակիցներ ներխուժել են Արամ Վարդանյանին եւ նրա հարազատներին պատկանող Արցախի փողոցի 17 հասցեում գտնվող տներ։

Կատարված գործողությունների արդյունքում բերման էին ենթարկել Արամ Վարդանյանի որդուն եւ 2 քաղաքացու, 2 քաղաքացի էլ ձերբակալվել է, որից մեկը Վարդանյանի եղբորորդին է, մյուսը՝ հարեւանը: