Մարտի 8-ին, ժամը 16:43-ին Վարդենիս քաղաքի Ա․ Սեսմանուկյան փողոցում բախվել են Խաչիկ Ա-ի վարած «Mercedes-Benz E350» և Արամ Կ-ի վարած «Opel Vectra B» մակնիշների ավտոմեքենաները, ինչի հետևանքով «Opel Vectra B» մակնիշի ավտոմեքենան կողաշրջվել է։
Մինչ փրկարարների՝ կանչի վայր հասնելը վարորդներն ու ուղևորներն ավտոմեքենաներից դուրս են բերվել քաղաքացիների օգնությամբ: «Opel»-ի 32-ամյա վարորդը տեղափոխվել է Վարդենիսի զինվորական հոսպիտալ, որտեղ բժիշկները նրա առողջական վիճակը գնահատել են միջին ծանրության։