1445 դիտում, 2 տարի առաջ - 2020-03-08 17:55

Հռոմի Ֆրանցիսկոս պապը հատուկ ողջույնի խոսք է հղել հավատացյալներին

Հռոմի Ֆրանցիսկոս պապը  հատուկ ողջույնի խոսք է հղել հավատացյալներին

Հռոմի Ֆրանցիսկոս պապն ավանդական կիրակնօրյա ելույթի ժամանակ հատուկ ողջույնի խոսք է հղել հավատացյալներին: Նա իր մտահոգությունն է հայտնել Սիրիայի հյուսիսարևմտյան հատվածում տիրող մարդասիրական ճգնաժամային իրավիճակի վերաբերյալ:

«Կրկին հայտնում եմ իմ խոր մտահոգությունն ու ցավը՝ կապված այդ անպաշտպան մարդկանց վերաբերող անմարդկային իրավիճակի հետ, որոնց թվում շատ են մահվան վտանգի առաջ կանգնած երեխաները»,- ասել է Հռոմի պապը:

Սրբազան քահանայապետը նաև աջակցություն է հայտնել բոլորին, ովքեր տանջվում են ողջ աշխարհում կորոնավիրուսի տարածման պատճառով:

  «Աղոթքով այն մարդկանց հետ եմ, որոնք տառապում են կորոնավիրուսի ներկայիս համաճարակի պատճառով և որոնք բուժում են անցնում: Կոչ եմ անում հավատացյալներին հաղթահարել այս դժվարին պահը հավատի ուժով, պարզ հույսով և գթասրտությամբ: Թող Մեծ պահքի ժամանակաշրջանն օգնի մեզ բոլորիս ավետարանչական իմաստ հաղորդել ցավի և փորձության այս պահին»: