կարևոր
2086 դիտում, 2 տարի առաջ - 2020-03-08 16:08

Նիկոլ Փաշինյանի կողմից փրկված 24-ամյա երիտասարդը գիշերը տեղափոխվել է «Նաիրի» բժշկական կենտրոն

 Նիկոլ Փաշինյանի կողմից փրկված 24-ամյա երիտասարդը  գիշերը տեղափոխվել է  «Նաիրի» բժշկական կենտրոն

Նիկոլ Փաշինյանի կողմից` մարտի 7-ին, Երևանում «Հաղթանակ» կամրջից տղամարդու ինքնասպանության փորձը կանխելուց հետո , քաղաքացին տուն է վերադարձել և  ժամը 21:25-ի սահմաններում՝ «ստամոքսում օտար մարմին» ախտորոշմամբ տեղափոխվել  «Նաիրի» բժշկական կենտրոն: SHAMSHYAN.com-ի տեղեկություններով 24-ամյա երիտասարդն ապրում է  անօթևանների կացարանում: 

Ի դեպ նա՝ մինչ  «Հաղթանակ» կամրջի վրա հերթական ինքնասպանության փորձը կատարելը,  նույն օրը՝ ժամը 13:10-ի սահմաններում փորձել է նմանատիպ քայլ անել Դավիթաշենի կամրջից: Այս դեպքում նրան փրկել են ոստիկաններն ու հրշեջ–փրկարարները:
 
 Ռ. Պ.-ն իր այդ քայլը պատճառաբանել է, որ  ունի անձնական խնդիրներ, ինչի համար էլ ցանկացել է ինքնասպանություն գործել:

 Ավելի վաղ մամուլում տեղեկություն էր հրապարակվել համաձայն որի՝  մարտի 7-ին, մարզերի շրջայցից վերադաձող վարչապետը մեքենայից նկատել էր մարդկանց բազմությունը և ցած նետվել փորձող քաղաքացուն: Նա կանգնեցրել էր մեքենան, մոտեցել, զրույցել քաղաքացու հետ, որը արդեն անցել էր վտանգավոր եզրագիծը: