կարևոր
2075 դիտում, 2 տարի առաջ - 2020-03-07 18:11

Պապոյանը փորձել է Վիքիպեդիայի իր մասին պատմող էջից հեռացնել որոշ տեղեկություններ․Դավիթ Խաժակյան

Ազգային ժողովում իմքայլական պատգամավոր Գեւորգ Պապոյանի ու Լուսավոր Հայաստան խմբակցության պատգամավորների միջեւ վիճաբանությունից հետո Պապոյանը փորձել է Վիքիպեդիայում մի քանի անգամ խմբագրել իր մասին հոդվածը:

Երեւանի ավագանու «Լույս» խմբակցության անդամ Դավիթ Խաժակյանի պնդմամբ Պապոյանը փորձել է իր կենսագրական տվյալներից հեռացնել նախկինում Հայաստանի հանրապետական կուսակցության անդամ լինելու մասին տեղեկությունը: Վիքիպեդիան, սակայն, չի թույլատրել պատգամավորին խմբագրում կատարել՝ այն որակելով որպես «վանդալիզմ»:

«Դա վանդալիզմ է իր կենսագրության, ԱԺ բարձր ամբիոնի եւ քաղաքացու նկատմամբ»,- գրել է Խաժակյանը:

Հիշեցնենք, որ մարտի 5-ին խորհրդարանում իր ելույթի ժամանակ Գեւորգ Պապոյանը Լուսավոր Հայաստանի անդամներին մեղադրել է նախկին իշխանությունների օրոք բարձր պաշտոններ զբաղեցենլու մեջ: Էդմոնք Մարուքյանն էլ իր հերթին Պապոյանին է մեղադրել 18 տարեկանում հանրապետական կուսակցությանն անդամակցելու համար:

Դավիթ Խաժակյանը իր ֆեյսբուքյան էջում տեսանյութի միջոցով մեկնաբանել է Գևորգ Պապոյանի գործողությունները։