կարևոր
1908 դիտում, 2 տարի առաջ - 2020-03-07 13:43

Պատրաստ են կորոնավիրուսի արագ ախտորոշման համար նոր թեստերը

 Պատրաստ են կորոնավիրուսի արագ ախտորոշման համար նոր թեստերը

Չինաստանը  հաստատեց կորոնավիրուսի արագ ախտորոշման համար նոր թեստի փորձարկումը, որը  թույլ է տալիս 29 րոպեում  ստանալ  ախտորոշման արդյունքները: Այս մասին հայտնում է «Սինհուա» գործակալությունը:

Համակարգը, որը մշակվել է մի խումբ հետազոտողների կողմից , կարող է օգտագործվել՝ կլինիկական դեպքերի ախտորոշման, վարակի կասկածելի դեպքերի և բարձր ռիսկային սքրինինգի համար: Այն արդեն  փորձարկվել է Ուհան քաղաքում, որոշակի  քանակ էլ հանձնվել է Իտալիային, Ավստրիային և Նիդեռլանդներին:

ԱՀԿ-ի վերջին տվյալների համաձայն՝ Չինաստանում վարակվածների թիվը գերազանցում է 80 հազարը, մահացել է 3070-ը, բուժվել է ավելի քան 55 հազար մարդ: 
ՉԺՀ-ից դուրս մահացածների թիվը հասել է 335-ի։ 

Մոսկվայում էլ ՝ քաղաքապետ Սերգեյ Սոբյանինի հանձնարարականով սկսվել են ժամանակավոր ինֆեկցիոն բժշկական կենտրոնի նախագծման ուղղությամբ աշխատանքները:  Կենտրոնը կկառուցվի ամենաարդիական տեխնոլոգիաների հիման վրա և հագեցած կլինի առաջատար բժշկական սարքավորումներով: