կարևոր
1049 դիտում, 1 տարի առաջ - 2020-03-07 13:02

Կորոնավիրուսը շարունակում է տարածվել․ վարակման թվի աճ է գրանցվել Վիետնամում,Թաիլանդում, Իսլանդիայում

Կորոնավիրուսը շարունակում է  տարածվել․ վարակման թվի աճ է գրանցվել Վիետնամում,Թաիլանդում, Իսլանդիայում

Կորոնավիրուսը շարունակում է իր տարածումն աշխարհի տարբեր բնակավայրերում:  Վարակման թվի աճ է գրանցվել  Վիետնամում, Թաիլանդում, Իսլանդիայում, Վրաստանում:

Վիետնամում՝ համաճարակի սկսվելուց ի վեր, 16 դեպք էր արձանագրվել։  Հաղորդվում է , որ բոլոր հիվանդները ապաքինվել  և դուրս էին  գրվել հիվանդանոցներից, սակայն ուրբաթ երեկոյան տեղի իշխանությունները հայտնեցին նոր վարակակիրի  մասին։ Նա Եվրոպայից վերադարձած ՝ 26-ամյա աղջիկ է, ով վերջին շաբաթներին եղել է Լոնդոնում, Միլանում և  Փարիզում:  

Թաիլանդում ևս գրանցվել է կորոնավիրուսի երկու նոր դեպք: Այժմ  վարակվածների ընդհանուր թիվը 50-ն է, որոնցից 31 հիվանդ  ամբողջովին ապաքինվել է, 18-ը՝ գտնվում են հիվանդանոցներում։  Ըստ Թաիլանդի առողջապահության նախարարության տվյալների՝  երկու նոր վարակակիրներն էլ  Թաիլանդի քաղաքացիներ են,  40 տարեկան․ վերադարձել են մարտի սկզբին Իտալիայից։ Այդ երկրում՝  հիվանդությունից մեկ հիվանդ է մահացել:

Իսլանդիայում նոր տիպի կորոնավիրուսով վարակվածների ընդհանուր թիվը  մարտի 2-ի դրությամբ հասել է 43-ի:  Հաղորդվում է, որ նրանցից երկուսը  վարակվել են Իսլանդիայի տարածքում, մյուսները՝  Իտալիայից եւ Ավստրիայից վերադարձած քաղաքացիներ են:

Վիրուսի  տարածմամբ պայմանավորված արտակարգ դրության ռեժիմ է հայտարարվել այդ երկրում, սակայն  զանգվածային հավաք նախատեսող  միջոցառումների չեղարկում դեռեւս նախատեսված չէ:

Հիշեցնենք, որ ավելի վաղ էլ yerkirmedia.am-ը տեղեկացրել էր Վրաստանում ևս մեկ՝ նոր դեպքի մասին։