կարևոր
1687 դիտում, 2 տարի առաջ - 2020-03-07 09:33

ՃՏՊ՝ Իսակովի պողոտայում. կա զոհ և տուժած

ՃՏՊ՝ Իսակովի պողոտայում. կա զոհ և տուժած

Մարտի 6-ին, ժամը 23:13-ին Ճգնաժամային կառավարման ազգային կենտրոն ահազանգ է ստացվել, որ Երևանի Իսակովի պողոտայում՝ Արգավանդ գյուղի խաչմերուկի մոտակայքում, տեղի է ունեցել ՃՏՊ՝ հրդեհի բռնկմամբ:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ Իսակովի պողոտայում՝ ոստիկանության ակադեմիայի մոտակայքում, բախվել են «Mercedes S600» (վարորդ՝ Ռոման Չ., ծնված 1981 թ) և «Mercedes C240» (վարորդ՝ Նարեկ Հ.) մակնիշների ավտոմեքենաները:

ԱԻՆ լրատվական ծառայությունից հայտնում են, որ մինչ փրկարարների դեպքի վայր հասնելը՝ վարորդները իրենց ուժերով դուրս են բերել ուղևորներին: «Mercedes C240» մակնիշի ավտոմեքենայի վարորդ Նարեկ Հ.-ն մահացել է, իսկ «Mercedes S600» մակնիշի ավտոմեքենայի վարորդին փրկարարները մոտեցրել են շտապօգնության ավտոմեքենային, ով հոսպիտալացվել է «Շենգավիթ» ԲԿ, որտեղ բժիշկները տուժածի առողջական վիճակը գնահատել են բավարար։