կարևոր
1123 դիտում, 1 տարի առաջ - 2020-03-06 21:46

Դիլիջան քաղաքի հրաձգարանին հարակից տարածքում այրվել է խոտածածկ տարածք

Դիլիջան քաղաքի հրաձգարանին հարակից տարածքում այրվել է խոտածածկ տարածք

ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը մարտի 6-ին, ժամը 14:04-ին ահազանգ է ստացել, որ Տավուշի մարզի Դիլիջան քաղաքի հրաձգարանին հարակից տարածքում այրվում է խոտածածկ տարածք:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 15:55-ին, մարվել՝ 17:39-ին: «Տանձուտ» կոչվող հանդամասում այրվել է մոտ 1.5 հա խոտածածկույթ և մացառուտ, ջերմահարվել՝ 70 սոճի: Այս մասին տեղեկացնում են ՀՀ ԱԻՆ տեղեկատվության և հասարակայնության հետ կապերի վարչությունից:

Հրդեհաշիջման աշխատանքներին մասնակցել են թվով 10 փրկարար ծառայող և  «Դիլիջանի ազգային պարկ» ՊՈԱԿ-ի 2 աշխատակից: