կարևոր
1235 դիտում, 2 տարի առաջ - 2020-03-06 10:02

Պաղեստինում արտակարգ դրության 30-օրյա ռեժիմ է հայտարարվել կորոնավիրուսի սպառնալիքի պատճառով

Պաղեստինում արտակարգ դրության 30-օրյա ռեժիմ է հայտարարվել կորոնավիրուսի սպառնալիքի պատճառով

Պաղեստինի ղեկավար Մահմուդ Աբասը կորոնավիրուսի սպառնալիքի կապակցությամբ արտակարգ դրության ռեժիմ Է հայտարարել պաղեստինյան բոլոր տարածքներում: Այդ մասին հայտնել է BAFA գործակալությունը, հաղորդում է «ՌԻԱ Նովոստին»:

«Պաղեստինի նախագահ Մահմուդ Աբասը մարտի 5-ի երեկոյան հրամանագիր է ստորագրել, որով կորոնավիրուսի դեմ պայքարելու համար մեկ ամսվա ընթացքում արտակարգ դրության ռեժիմ է հայտարարվում պաղեստինյան բոլոր տարածքներում, սկսած ստորագրման պահից»,- ասված է գործակալության հաղորդագրության մեջ:

Պաղեստինի վարչապետ Մուհամեդ Շտեյան նաեւ հայտարարել է, որ արտակարգ դրության 30-օրյա շրջանում պաղեստինյան բոլոր տարածքներում փակվում են ուսումնական բոլոր հաստատությունները:

Մարտի 5-ին ավելի վաղ Պաղեստինի առողջապահության նախարարությունը հայտնել էր Բեթղեհեմի հյուրանոցներից մեկում կորոնավիրուսով վարակման յոթ ենթադրյալ դեպքի մասին։