կարևոր
1739 դիտում, 2 տարի առաջ - 2020-03-05 17:41

ԱԺ-ն քննարկեց հեռավար կրթություն ներդրման օրինագիծը

ԱԺ-ն քննարկեց հեռավար կրթություն ներդրման օրինագիծը

 ՀՀ ազգային ժողովը երկրորդ ընթերցմամբ քննարկեց կառավարության կողմից ներկայացված օրենքների նախագծերի փաթեթը, որով մասնավորապես առաջարկվում է ներդնել հեռավար կրթության իրականացնելու մեխանիզմ՝ հիմնականում տեղեկատվական տեխնոլոգիաների եւ հեռահաղորդակցության միջոցներով: «Հանրակրթության մասին» Հայաստանի Հանրապետության օրենքում լրացումներ ու փոփոխություններ կատարելու մասին և «Երեւան քաղաքում տեղական ինքնակառավարման մասին» Հայաստանի Հանրապետության օրենքում լրացում կատարելու մասին օրենքների նախագիծն ԱԺ նիստում ներկայացրե է ՀՀ կրթության, գիտության, մշակույթի և սպորտի նախարար Արայիկ Հարությունյանը:

Նա նշել է, որ առաջինից երկրորդը ընթերցման ընթացքում բոլոր խմբակցությունները հեռավոր կրթության ձևակերպման հետ կապված խնդիրներ են տեսել:  «Մենք աշխատեցինք և վերաձևակերպեցինք, որ հեռավար կրթությունը կրթական ծրագրի իրականացման ձև է, հանվել է այլընտրանքային ձևը,  որպեսզի դպրոցների համար պատրվակ չդառնա, որ ամբողջությամբ անցնեն հեռավար կրթության»,-ասաց նա:

Եթե դիցուկ երկու անգամ ուսուցչի մրցույթ է կազմակերպվում և տվյալ տեղի համար դիմորդներ չեն լինում կամ մրցույթը չի կայանում, կարող են իրականացնել հեռավար կրթություն, սակայն կարգ է սահմանվում, թե դա ինչ ժամկետով կարող է լինել, և թե հաջորդ մրցույթը երբ կարող է հայտարարվել:

Սահմանվել է նաև, որ մանկավարժական, ծնողական և աշակերտական խորհուրդները կառավարության հաստատած կարգով կարող են ներգրավվել տվյալ ուսումնական հաստատության տնօրենի ընտրության գործընթացում:  Սովորողների ընդունելությունը կազմակերպելիս առաջնահերթությունը տրվում է առաջին հերթին տվյալ դպրոցում սովորող քույր կամ եղբայր ունեցող երեխաներին, երկրորդը՝ տվյալ դպրոցի աշխատակիցների երեխաներին:

Սահմանվում են նաև պարտադիր կրթությունից դուրս մնացած երեխաների բացահայտման և ուղղորդման կարգը: