կարևոր
1677 դիտում, 1 տարի առաջ - 2020-03-05 10:15

Ոստիկանները ներխուժել են «Վստրեչի Ապեր»-ի տուն․ Երվանդ Վարոսյան

Այսօր, գիշերը ժամը 02.40-ի սահմաններում, ոստիկանության հարյուրավոր աշխատակիցներ հարձակվել են Արամ Վարդանյանին եւ նրա հարազատներին պատկանող Արցախի փողոցի 17 հասցեում գտնվող տների վրա: Ֆեյսբուքյան իր էջում  գրել է փաստաբան Երվանդ Վարոսյանը:

«Ոտիկանության հարյուրավոր աշխատակիցներ շրջափակել են նշված հասցեում գտնվող բազմաթիվ տները, ապօրինի, առանց թույլտվության, ոչինչ չբացատրելով, որեւէ փաստաթուղթ չներկայացնելով, կոտրելով դռներն ու պատուհանները, հատուկ սարքերի միջոցով կտրելով ճաղավանդակները, ներխուժել են նշված տները, որի ընթացքում նաեւ կատարել հափշտակություն: Անգամ տանը մանկահասակ երեխայի առկայությունը չի կանգնեցրել ոստիկաններին շարունակել զենքի օգտագործմամբ ապօրինությունները, որի հետեւանքով երեխայի առողջությանը պատճառվել է լուրջ վնաս»- նշել է փաստաբանը:

Նշենք, որ Արամ Վարդանյանը հայտնի է «Վստրեչի Ապեր» մականվամբ: