Մարտի 4-ին տեղի է ունեցել հանդիպում ՀՀ վարչապետ Նիկոլ Փաշինյանի, ՀՅԴաշնակցության Բյուրոյի ներկայացուցիչ Հակոբ Տեր-Խաչատուրյանի եւ ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանի միջեւ։
Հանդիպմանը ներկա է եղել ՀՀ Սփյուռքի հարցերի գլխավոր հանձնակատար Զարեհ Սինանյանը։ Այս մասին տեղեկացնում են ՀՅԴ հանրային կապերի գրասենյակից: Հանդիպման ընթացքում մտքեր են փոխանակվել համահայկական եւ տարածաշրջանային նշանակություն ունեցող հարցերի շուրջ: Հիշեցնենք, որ նախօրեին ՀՅԴ Բյուրոյի ներկայացուցիչ Հակոբ Տեր Խաչատրյանը հանդիպել է ՀՀ նախագահ Արմեն Սարգսյանի հետ։