կարևոր
972 դիտում, 1 տարի առաջ - 2020-03-03 12:20

Հարավային Կորեայում կորոնավիրուսով հիվանդները հոսպիտալացման հերթի են սպասում

Հարավային Կորեայում կորոնավիրուսով հիվանդները հոսպիտալացման հերթի են սպասում

Հարավային Կորեայի իշխանությունները չեն կարողացել կանխատեսել Տեգու քաղաքում կորոնավիրուսի բռնկման մասշտաբը, որտեղ այժմ հիվանդասենյակները չեն բավականացնում, ուստի շուրջ 1800 վարակվածներ հոսպիտալացման հերթի են սպասում: Այդ մասին հայտնել է երկրի առողջապահության փոխնախարար Կիմ Գան Նիպը:

«Տեգուում շուրջ 1800 հաստատված վարակվածներ չեն կարող հոսպիտալացվել կամ հայտնվել մասնագիտացված բուժական կենտրոնում եւ սպասում են իրենց հերթին: Ես անկեղծորեն ներողություն եմ խնդրում, որ մենք չկարողացանք կանխատեսել կորոնավիրուսի տարածման մասշտաբը, եւ շատ վարակվածներ ստիպված սպասում են իրենց տներում»,- ճեպազրույցում հայտնել է Կիմ Գան Նիպը: Հարավային Կորեան արդեն գրանցել է COVID-2019 կորոնավիրուսով վարակման 4 812 դեպք: Ինչպես հայտնել է Կիմ Գան Նիպը, առավոտյան մահացել է եւս մեկ մարդ, ընդամենը կորոնավիրուսի զոհերի թիվը կազմում Է 29, հաղորդել է «ՌԻԱ Նովոստի»-ն: