կարևոր
867 դիտում, 1 տարի առաջ - 2020-03-02 18:20

Փետրվարի 24-ից մարտի 1-ը հայտնաբերվել է ոչ սթափ 106 վարորդ

Փետրվարի 24-ից մարտի 1-ը հայտնաբերվել է ոչ սթափ 106 վարորդ

Ճանապարհային ոստիկանության 1-ին սպայական գումարտակի ծառայողներն փետրվարի 24-ից մարտի 1-ը ուժեղացված ծառայություն են իրականացրել մայրաքաղաքում՝ պահպանվող հատուկ տարածք տեղափոխելով 216 մեքենա, որոնցից 31-ի վարորդները եղել են ալկոհոլի ազդեցության տակ, մյուսների վարորդները չեն ունեցել համապատասխան փաստաթղթեր կամ թույլ են տվել ճանապարհային երթևեկության կանոնների կոպիտ խախտումներ՝ վտանգելով երթևեկության այլ մասնակիցների կյանքն ու առողջությունը։ Այս մասին հայտնում են ՀՀ ոստիկանության լրատվության և հասարակայնության հետ կապի վարչությունից: 

Հայտնաբերվել է նաև թաղանթապատված դիմապակիով 75 մեքենա։ Նույն ժամանակահատվածում մարզերում ուժեղացված ծառայություն են իրականացրել ճանապարհային ոստիկանության երկրորդ սպայական գումարտակի ծառայողները, որոնք պահպանվող հատուկ տարածք են տեղափոխել 75 մեքենա, որոնց վարորդները եղել են ոչ սթափ վիճակում։ Բացի այդ հայտնաբերվել է առանց առանց ԱՊՊԱ պայմանագրի՝ 42, թաղանթապատված դիմապակիով` 28 տրանսպաորտային միջոց։