կարևոր
622 դիտում, 1 տարի առաջ - 2020-03-02 15:45

ՊԵԿ-ը հայտնաբերել է մաքսային հսկողությունից թաքցված տարբեր մոդելի բջջային հեռախոսներ

ՊԵԿ-ը  հայտնաբերել է մաքսային հսկողությունից թաքցված տարբեր մոդելի բջջային հեռախոսներ

Պետական եկամուտների կոմիտեի մաքսանենգության դեմ պայքարի վարչության աշխատակիցները օրերս Բագրատաշենի անցակետում կանխել են 70 բջջային հեռախոսի անօրինական ներմուծման տարբեր դեպքեր:Այս մասին հայտարարություն է տարածել ՊԵԿ իրավաբանական վարչությունը: 

 Վրաստանից ժամանած ՀՀ  քաղաքացու տրանսպորտային միջոցի զննմամբ հայտնաբերել են մաքսային հսկողությունից և մեքենայի շարժիչի տակ ու այլ հատվածներում  թաքցված տարբեր մոդելի 38 բջջային հեռախոս: 

Մեկ այլ դեպքով էլ Բագրատաշենի անցակետում Վրաստանից ժամանած Վրաստանի  քաղաքացու ավտոմեքենայի զննմամբ հայտնաբերվել է մաքսային հսկողությունից թաքցված տարբեր մոդելի  33 բջջային հեռախոս: Որպես թաքստոց հանդիսացել է մեքենայի բեռնախցիկի ռետինե քողարկիչը: