կարևոր
1159 դիտում, 1 տարի առաջ - 2020-03-02 09:31

Չինաստանի սահմաններից դուրս կորոնավիրուսի հետևանքով մահացել է ավելի քան 100 մարդ. ԱՀԿ

Չինաստանի սահմաններից դուրս կորոնավիրուսի հետևանքով մահացել է ավելի քան 100 մարդ. ԱՀԿ

Չինաստանի սահմաններից դուրս նոր կորոնավիրուսով վարակվել է ավելի քան 7000 մարդ։ Այս մասին տեղեկանում ենք Առողջապահության համաշխարհային կազմակերպության (ԱՀԿ) մարտի 1-ին հրապարակված զեկույցից։

Հինգ նոր անդամ պետություններ (Ադրբեջան, Էկվադոր, Իռլանդիա, Մոնակո և Կատար) հայտնել են COVID-19  վարակման դեպքերի մասին վերջին 24 ժամվա ընթացքում: Աշխարհում 87 137 հաստատված դեպք կա, որոնցից 1739 նոր են։

Վիրուսը տարածվել է 58 երկրներում։ ՉԺՀ-ի սահմաններից դուրս կորոնավիրուսի հետևանքով 104 մարդ է մահացել:

Վարակակիրների թվով առաջին տեղում է Հարավային Կորեան՝ վերջին մեկ օրվա ընթացքում 586 մարդ, երկրորդ տեղում Իտալիան՝ 240 նոր դեպք, երրորդը՝ Իրանը, որտեղ հաստատել են վարակման 205 դեպքի մասին:

Հիշեցնենք, որ երեկ՝ մարտի 1-ին, պաշտոնապես հայտարարվեց Հայաստանում կորոնավիրուսի վարակման դեպքի մասին։ Վարակակիրն Իրանից Հայաստան վերադարձած  29 տարեկան ՀՀ քաղաքացի է, որի մոտ սկզբնական շրջանում հիվանդություն չի ախտորոշվել, իսկ մեկ օր անց վերջինս դիմել է բժշկի և հաստատվել է վիրուսի առկայության փաստը։ Այս պահին այդ քաղաքացին և նրա հետ ինքնաթիռով վերադարձած ևս 31 անձ գտնվում են Ծաղկաձորի հյուրանոցներից մեկում։