կարևոր
4820 դիտում, 2 տարի առաջ - 2020-03-01 17:05

Ոստիկանության ներկայացուցիչները չեն ունեցել համապատասխան հագուստ, չեն կրել  դիմակներ. ականատես

Ոստիկանության ներկայացուցիչները չեն ունեցել համապատասխան հագուստ, չեն կրել  դիմակներ. ականատես

Yerkirmedia.am-ին նոր մանրամասներ են հայտնի դարձել, թե ինչպես են այսօր առավոտյան՝ Երևանի Արաբկիր վարչական շրջանի Կոմիտաս և Գրիբոյեդով փողոցներից, հատուկ հանդերձանքով զինված բժիշկները՝ որպես կորոնավիրուսի վարակակիր , մի քանի քաղաքացու ուղեկցել շտապօգնության ավտոմեքենա: Վերջին տվյալներով Հայաստանում կորոնավիրուսի կասկածով քաղաքացիների թիվը անցնում է 40-ը: Նրանց մեծ մասը օրերս Հայաստան է ժամանել Իրանից: Շտապ օգնության և ոստիկանության ներկայացուցիչների կողմից նրանք բոլորը տեղափոխվում են Կոտայքի մարզի Ծաղկաձոր քաղաքում գործող «Գոլդեն Փելես» հյուրանոց, որտեղ համապատասխան՝  սենյակներ կան, ուր վերջինները կլինեն  բժիշկների հսկողության տակ և անհրաժեշտության դեպքում կենթարկվեն  բժշկական փորձաքննության:  

 Ի դեպ ականատեսների վկայությամբ՝ կազմակերպված գործողության ընթացքում ոստիկանության ներկայացուցիչները, համապատասխան անհատական պաշտպանական որևէ միջոցներով ապահովված չեն եղել, չեն ունեցել համապատասխան հագուստ, չեն կրել  դիմակներ: