կարևոր
1492 դիտում, 1 տարի առաջ - 2020-02-29 10:56

BBC-ի տվյալներով՝ Իրանում կորոնավիրուսից մահացել է առնվազն 210 մարդ․ Իրանի պաշտոնական աղբյուրները հերքում են

BBC-ի տվյալներով՝ Իրանում կորոնավիրուսից մահացել է առնվազն 210 մարդ․ Իրանի պաշտոնական աղբյուրները հերքում են

BBC-ի տվյալներով՝ Իրանում կորոնավիրուսի հետևանքով առնվազն 210 հիվանդ է մահացել։ BBC-ն հայտնում է, որ տեղեկությունը ստացել է Իրանի հիվանդանոցային իր աղբյուրներից:

Այս ցուցանիշը վեց անգամ գերազանցում է 34 մարդու մահվան պաշտոնական տվյալները: Լուրը ուրբաթ օրը հաղորդել է առողջապահության նախարարությունը:

Իրանի առողջապահության նախարարության ներկայացուցիչ Քիանուշ Ջահանփուրը պնդում է, որ հանրությանը ներկայացված թվերը ճշմարիտ են՝ BBC-ին մեղադրելով ստահոդ տեղեկությունների տարածման մեջ:

Ավելի վաղ ԱՄՆ պետքարտուղար Մայք Պոմպեն հայտարարել էր, որ ԱՄՆ-ն օգնություն է առաջարկել Իրանին կորոնավիրուսի դեմ պայքարում, սակայն Իրանի արտաքին գործերի նախարարության ներկայացուցիչ Աբբաս Մուսավին մերժել է օգնության առաջարկը:

«Պահանջել օգնել Իրանին հակազդել կորոնավիրուսի դեմ մի երկրի կողմից, որը տնտեսական ահաբեկչության միջոցով ճնշում է գործադրել իրենց ազգի վրա, սխալ է»,-նշել է Մուսավին:

Փետրվարի 28-ին հայտնի դարձավ, որ Իրանի խորհրդարանը դադարեցնու է աշխատանքը կորոնավիրուսի տարածման սպառնալիքի պատճառով: Նախօրեին հաղորդվել էր, որ կորոնավիրուս է հայտնաբերվել երկրի խորհրդարանի 4 անդամների մոտ: