կարևոր
2014 դիտում, 2 տարի առաջ - 2020-02-27 15:07

Իրանցի եւս մեկ խորհրդարանական Է վարակվել կորոնավիրուսով

Իրանցի եւս մեկ խորհրդարանական Է վարակվել կորոնավիրուսով

Իրանի խորհրդարանի ազգային անվտանգության եւ արտաքին քաղաքականության կոմիտեի ղեկավար Մոջթաբա Զուլնուրը հայտնել է, որ վարակվել է կորոնավիրուսով, հաղորդում է «ՌԻԱ Նովոստին»։

«Այո, պարզվեց, որ կորոնավիրուսի թեստն ինձ մոտ դրական է, անհանգստանալ չարժե, ես կարանտինի մեջ եմ: Աստված տա, որ մեր ժողովուրդը հաղթահարի կորոնավիրուսը»,-ասել է պատգամավորը, որի հայտարարության տեսանյութը հրապարակվել է IRIB հեռուստառադիոընկերության Telegram-ալիքով: Զուլնուրը պատգամավոր է Ղոմից. քաղաք եւ համանուն նահանգ, որտեղ ներկայում կորոնավիրուսով վարակման դեպքերի ցուցանիշն առավել մեծն Է:

Ավելի վաղ իրանցի մեկ այլ խորհրդարանական՝ Մահմուդ Սադեքին էր հայտնել, որ վարակվել է կորոնավիրուսով։

Նշենք, որ Իրանում կորոնավիրուսով վարակվածների թիվը վերջին 24 ժամվա ընթացքում հասել է 245-ի, մահացել է 26 մարդ: