կարևոր
1434 դիտում, 2 տարի առաջ - 2020-02-27 12:02

Հայաստանից վառելափայտի արտահանումը երրորդ երկրներ արգելվեց. Այն կգործի առնվազն 6 ամիս

Հայաստանից վառելափայտի արտահանումը երրորդ երկրներ արգելվեց. Այն կգործի առնվազն 6 ամիս

Կառավարության  փետրվարի 27-ի նիստում որոշում կայացվեց հաստատել Հայաստանի տարածքից ԵՏՄ անդամ չհանդիսացող պետություններ արտահանման դեպքում ՀՀ ծագում ունեցող արգելված ապրանքների ցանկը:

«Այս որոշմամբ առաջարկվում է արգելել փայտանյութի եւ դրանից պատրաստված որոշ ապրանքների արտահանումը երրորդ երկրներ: Այս արգելքը վերաբերում է մասնավորապես վառելափայտին, գերաններին»,- նշել է շրջակա միջավայրի նախարար Էրիկ Գրիգորյանը։

Նախարարի խոսքով, այս արգելքը 6 ամսով է, քանի որ այն պետք է ուղարկվի ԵՏՄ երկրներին՝ հաստատման, եթե նրանք չհաստատեն, ապա միեւնույն է, 6 ամսով արգելքը գործելու է, իսկ եթե հաստատվի, ապա կարգավորումը կգործի ավելի երկար ժամանակով:

Այս որոշման ընդունմամբ ակնկալվում է պահպանել շրջակա միջավայրը և Հայաստանի Հանրապետությունից փայտանյութի և դրանից պատրաստված որոշ ապրանքների արտահանման արգելքի միջոցով սահմանել համապատասխան կարգավորումներ։