կարևոր
1977 դիտում, 2 տարի առաջ - 2020-02-24 10:13

ՃՏՊ՝ Ապարան-Արթիկ ավտոճանապարհին․ տուժածները հոսպիտալացվել են

ՃՏՊ՝ Ապարան-Արթիկ ավտոճանապարհին․ տուժածները հոսպիտալացվել են

Փետրվարի 23-ին, ժամը 23:50-ին Ճգնաժամային կառավարման ազգային կենտրոն ահազանգ է ստացվել, որ Ապարան-Արթիկ ավտոճանապարհին՝ Հնաբերդ գյուղի խաչմերուկում, տեղի է ունեցել ՃՏՊ, կան տուժածներ:

ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ մեկնել է դեպքի վայր:

Ինչպես հայտնում են ԱԻՆ լրատվական ծառայությունից, պարզվել է, որ Հնաբերդ գյուղի խաչմերուկում «Mitsubishi Lancer» մակնիշի ավտոմեքենան դուրս է եկել ճանապարհի երթևեկելի հատվածից և կողաշրջվել:

Մինչև փրկարարների՝ կանչի վայր հասնելը վարորդը (Գնել Ի., ծնված 1964 թ.) և ուղևորը (Մարինե Ի., ծնված 1977 թ.) հոսպիտալացվել են Ծաղկահովտի ԲԿ, որտեղ բժիշկները տուժածների առողջական վիճակը գնահատել են բավարար: