կարևոր
1482 դիտում, 1 տարի առաջ - 2020-02-22 18:32

Մարտավարաշարային պարապմունքներ՝ ՊԲ-ի վարչության սպայակազմի ներգրավմամբ

Մարտավարաշարային պարապմունքներ՝ ՊԲ-ի վարչության սպայակազմի ներգրավմամբ

Փետրվարի 20-ից 21-ը, նոր ուսումնական տարվա մեկնարկային միջոցառումների ծրագրի համաձայն, մարտավարաշարային պարապմունքներ ու շտաբային մարզումներ են անցկացվել ՊԲ-ի վարչության սպայակազմի ներգրավմամբ:

Ըստ այդմ ճշգրտվել են մարտական հաշվարկներն ու մարտական պատրաստականության պլանները, համապատասխան ստորաբաժանումներն ու կառավարման մարմինները բերվել են «Բարձր» աստիճանի մարտական պատրաստականության վիճակի և անցել ուժեղացված ռեժիմով գործառութային պարտականությունների կատարմանը:

Անցկացվող միջոցառումների շրջանակում խաղարկվել են հակառակորդի հավանական սադրանքների դեպքում, մեր ուժերի գործողությունների տարբեր բեմագրեր, իրականացվել են մարզումներ ու ներդաշնակման միջոցառումներ, առանձին ոլորտների ներկայացուցիչներ հանդես են եկել առկա և հավանական զարգացումների վերաբերյալ զեկույցներով:

Իրականացված համալիր գործընթացների արդյունքում ՊԲ-ի հրամանատարությունն ու համապատասխան մարմինները ցուցաբերել են իրավիճակային զարգացումներին արագ ու համարժեք արձագանքելու ունակություններ և հստակեցրել այն գործընթացների առաջնահերթությունները, որոնք ուշադրության կենտրոնում կլինեն նոր՝ 2020 թվականի բանակային ուսումնական տարվա ընթացքում: