170 դիտում, 2020.02.22 09:38

Իրանում գտնվող հայաստանցիները պետք է դիմեն ՀՀ դեսպանություն. կառույցը հորդորում է լինել կապի մեջ և տեղեկություն տրամադրել գտնվելու վայրի վերաբերյալ

Իրանում գտնվող հայաստանցիները պետք է դիմեն ՀՀ դեսպանություն. կառույցը հորդորում է լինել կապի մեջ և տեղեկություն տրամադրել գտնվելու վայրի վերաբերյալ

Իրանի Իսլամական Հանրապետությունում Հայաստանի Հանրապետության դեսպանությունը, հաշվի առնելով Իրանում կորոնավիրուսի հետ կապված իրավիճակը և վարակի հնարավոր տարածման վտանգը, հորդորում է ԻԻՀ տարածքում գտնվող հայաստանցիներին կապ հաստատել ՀՀ դեսպանության հետ և տեղեկություն տրամադրել գտնվելու վայրի վերաբերյալ:

Քաղաքացիները կարող են նաև նամակ ուղարկել ՀՀ դեսպանության ֆեյսբուքյան էջին և էլեկտրոնային փոստին:

Ներկա պահին Իրանում կորոնովիրուսով վարակման 18 դեպք է արձանագրվել, որոնք գրանցվել են Կումում, Արաքում, Թեհրանում և Գիլյանում: Դրանցից 4-ը մահվան ելքով են ավարտվել:

ՀՀ առողջապահության նախարարությունը, հաշվի առնելով Իրանում կորոնավիրուսային վարակի դեպքերըը, առաջարկել է «Մեղրի» անցակետում էլ ավելի ուժեղացնել հսկողությունը։

Նշենք, որ Չինաստանում նոր տեսակի կորոնավիրուսի հետևանքով մահացածների թիվը հասել է 2345-ի, վարակված է 75,891 մարդ, ապաքինվել է 20,659 մարդ: Վերջին տվյալների համաձայն` Չինաստանում գրանցվել է կորոնավիրուսով վարակման 1361 նոր դեպք: 113 500 մարդ, որոնք շփում են ունեցել հիվանդների հետ, գտնվում են բժիշկների հսկողության տակ:  

 

կիսվել նյութով -