կարևոր
915 դիտում, 1 տարի առաջ - 2020-02-20 15:17

Ավստրալիայում գնացքը դուրս է ընկել ռելսերից. կան զոհեր

Ավստրալիայում գնացքը դուրս է ընկել ռելսերից. կան զոհեր

Առնվազն երկու մարդ է զոհվել Ավստրալիայի Վիկտորիայի նահանգում գնացքի վթարի հետեւանքով: Այդ մասին փետրվարի 20-ին հայտնել է 7News հեռուստաալիքը, հաղորդում է ՏԱՍՍ-ը:

Հեռուստաալիքի տվյալներով՝ Սիդնեյից Մելբուռն ընթացող գնացքը ռելսերից դուրս է եկել Մելբուռնից 45 կիլոմետր հյուսիս ընկած շրջանում: Նշվում է, որ գնացքում կարող է լինել մինչեւ 200 ուղեւոր, նրանցից շատերն արգելափակվել են վագոնների ներսում:

Միջադեպի վայր են ժամանել արտակարգ ծառայությունների աշխատակիցներ, ինչպես նաեւ շտապ օգնության ուղղաթիռ: Ներկայում վթարի շրջանում երկաթուղային երթեւեկությունը դադարեցված է: Միջադեպի պատճառներն առայժմ հայտնի չեն։