կարևոր
1274 դիտում, 2 տարի առաջ - 2020-02-20 12:49

ԶՈւ ԳՇ պետի գլխավորած պատվիրակությունն այցելել է Վրաստան

Փետրվարի 19-20-ը երկօրյա պաշտոնական այցով Վրաստանում է ՀՀ ԶՈւ գլխավոր շտաբի պետ, գեներալ-լեյտենանտ Արտակ Դավթյանի գլխավորած պատվիրակությունը: Այցի ընթացքում ԶՈւ ԳՇ պետը հանդիպել է Վրաստանի պաշտպանության ուժերի հրամանատար, գեներալ-լեյտենանտ Վլադիմիր Չաչիբայաի հետ:

Կողմերը քննարկել են պաշտպանության ոլորտին առնչվող հարցեր, ռազմական կրթության և ռազմական բժշկության ոլորտներում համագործակցության հնարավորությունները: Վրաստանի պաշտպանության ուժերի հրամանատարը հայկական կողմին ներկայացրել է Վրաստանի ԶՈւ-ում ընթացող բարեփոխումները: Հանդիպումից հետո գեներալ-լեյտենանտ Արտակ Դավթյանը ծաղկեպսակ է դրել վրաց զոհված զինծառայողներին նվիրված հուշարձանի մոտ: