կարևոր
941 դիտում, 1 տարի առաջ - 2020-02-19 17:31

Հալեպի միջազգային օդանավակայանը 8 տարվա դադարից հետո վերսկսել է աշխատանքը

8 տարվա դադարից հետո Հալեպի միջազգային օդանավակայանը վերսկսել է աշխատանքը: Այսօր առաջին մարդատար ինքնաթիռն է ընդունել: Այն ժամանել է մայրաքաղաք Դամասկոսից: 120 ուղեւորների թվում են եղել Սիրիայի տրանսպորտի եւ տուրիզմի նախարարները:

Առաջիկա օրերին Հալեպի օդանավակայանը կվերսկսի կանոնավոր չվերթներ իրականացնել դեպի Դամասկոս եւ Եգիպտոսի մայրաքաղաք Կահիրե:

Հիշեցնենք, որ օդանավակայանը փակվել էր 2012 թվականին՝ մարտական գործողությունների, ահաբեկիչների հարձակումների պատճառով: Օդանավակայանի աշխատանքի վերսկսումը հնարավոր է դարձել սիրիական բանակի գործողության շնորհիվ: Հաշված օրեր առաջ նախագահ Բաշար Ասադի ուժերը, Ռուսաստանի օգնությամբ, գրոհայիններից ամբողջությամբ ազատագրել են Հալեպը եւ հարեւան բնակավայրերը: