կարևոր
1681 դիտում, 1 տարի առաջ - 2020-02-19 13:34

Քննարկվում է Ֆինանսական դիտարկումների կենտրոնը Կենտրոնական բանկից Ոստիկանություն տեղափոխելու հարցը․ Վ․ Ավետիքյան

Քննարկվում է Ֆինանսական դիտարկումների կենտրոնը Կենտրոնական բանկից Ոստիկանություն տեղափոխելու հարցը․ Վ․ Ավետիքյան

Այս պահին շրջանառության մեջ է դրված մի առաջարկություն, որով քննարկվում է Ֆինանսական դիտարկումների կենտրոնը Կենտրոնական բանկից Ոստիկանություն կամ առաջարկվող Ներքին գործերի նախարարությույն տեղափոխելու հարցը: Այս մասին իր ֆեյսբուքյան էջում գրել է Կենտրոնական բանկի իրավաբանական վարչության նախկին պետ Վարուժան Ավետիքյանը։ 

«Առաջին մտորումս այն է, որ սա ևս մեկ հաստատակամ քայլ է դեպի ոստիկանական պետություն: Նույնիսկ նման հարցի քննարկումն է խիստ վտանգավոր, ու կասկածս այն է, որ քննարկման առաջարկ անողները պատկերացում չունեն ֆինանսական կայունության մասին:

Հայկական բանկերն այժմ կառավարում են շուրջ 1 տրիլիոն ոչ ռեզիդենտների ավանդներ ու հաշվիվներ: Բավականին լավ պատկերացնում եմ թե որքան կտևի այդ ավանդները բանկերից դուրս բերելու համար, հատկապես եթե ավանդատուներն իմանան, որ ոստիկանին հասանելի է իրենց հաշիվների շարժը: Սա անթույլատրելի նախաձեռնություն է:

Թեև առաջիկա հանրաքվեն կարող է մթագնել այս հարցը, այնուամենայնիվ կարևոր եմ համարում բարձրացնել»,- գրել է նա։