կարևոր
1356 դիտում, 1 տարի առաջ - 2020-02-18 19:56

Ցույցեր՝ Թբիլիսիում․ բողոքում են Վրաստանի գլխավոր դատախազ Իրակլի Շոթաձեի վերանշանակման դեմ

Ցույցեր՝ Թբիլիսիում․ բողոքում են Վրաստանի գլխավոր դատախազ Իրակլի Շոթաձեի վերանշանակման դեմ

Վրաստանի ընդդիմությունը եւ քաղաքացիական ակտիվիստները շարունակում են ցույցեր անցկացնել մայրաքաղաք Թբիլիսիում: Այս անգամ բողոքում են Վրաստանի գլխավոր դատախազ Իրակլի Շոթաձեի վերանշանակման դեմ, որին իշխող «Վրացական երազանք» կուսակցության ղեկավար Բիձինա Իվանիշվիլիի խամաճիկն են դիտարկում:

Այսօր վաղ առավոտից ցույց է խորհրդարանի շենքի մոտ, որտեղ մոբիլիզացվել է ոստիկանությունը: Իրավապահների եւ ցուցարարների միջեւ բախումներից խուսափել չի հաջողվել: Բողոքի ակցիայի մասնակիցները, այսպես ասած, ամոթի միջանցք են կազմել իշխող կուսակցության պատգամավորների համար եւ սուլոցներով ու վիրավորական բացականչություններով ուղեկցել նրանց խորհրդարանի շենք: