կարևոր
754 դիտում, 1 տարի առաջ - 2020-02-18 16:17

«Ֆլեշի» Բարսեղի գործով դատական նիստը հետաձգվեց

«Ֆլեշի» Բարսեղի գործով դատական նիստը հետաձգվեց

Երևանի ընդհանուր իրավասության դատարանում՝ դատավոր Դավիթ Հարությունյանի նախագահությամբ, այսօր «Ֆլեշ» ՍՊԸ նախագահ Բարսեղ Բեգլարյանի գործով դատական նիստը հետաձգվեց։

Այն տեղի կունենա մարտի 24-ին՝ ժամը 14.35-ին։ Այսօր կայացած դատական նիստին նախատեսված էր շարունակել վկաների հարցաքննությունը, բայց չկայացավ։

«Բացառապես, միայն Սերգո Կարապետյանի ցուցմունքն է։ Սերգո Կարապետյանը պնդել է, Բարսեղ Բեգլարյանը հերքել է»,- անդրադառնալով «Ֆլեշ» ՍՊԸ նախագահ Բարսեղ Բեգլարյանի դեմ եղած ցուցմունքներին, լրագրողների հետ զրույցում նշել է նրա պաշտպան Նիկոլայ Հակոբյանը։

Հիշեցնենք, որ Բարսեղ Բեգլարյանը մեղադրվում է ինքնիրավչության մեջ։ Նախնական քննության տվյալներով՝ Բեգլարյանի որդուն՝ Ն.Բեգլարյանին պատկանող «Ֆլեշ Մոտորս» ՍՊ ընկերությունից 2015թ. ընթացքում իրականացվել է առանձնապես խոշոր չափերի գույքի հափշտակություն, որի կատարման մեջ ընկերության սեփականատերն ու հարազատները մեղադրել են «Ֆլեշ Մոտորս» ՍՊ ընկերության նախկին կոմերցիոն տնօրենին և պահանջել վերականգնել ենթադրաբար պատճառված գույքային վնասը։