Աշխարհի ամենահարուստ մարդը՝ «Ամազոնի» ղեկավար Ջեֆ Բեզոսը, 10 միլիարդ դոլարի կհատկացնի կլիմայական փոփոխությունների դեմ պայքարին, որն իրականացնում են գիտնականները եւ բնապահպան ակտիվիստները: Բեզոսը գումարի բաշխումը կսկսի այս ամառ։
Միլիարդատերն ուզում է ոչ միայն աջակցել այս ուղղությամբ արդեն գործադրվող ջանքերին, այլեւ նպաստել կլիմայի փոփոխության կործանարար ազդեցության դեմ պայքարի նոր եղանակների ուսումնասիրմանը: Բեզոսը մոտ 130 միլիարդ դոլարի կարողություն ունի, այսինքն՝ ներդրումը կկազմի նրա ֆինանսական միջոցների ընդամենը 8 տոկոսը: