կարևոր
5167 դիտում, 2 տարի առաջ - 2020-02-17 14:14

Դպրոցներում հունվարի 8-ից մինչև փետրվարի 15-ի բացակայությունները կհամարվեն հարգելի

Դպրոցներում հունվարի 8-ից մինչև փետրվարի 15-ի բացակայությունները կհամարվեն հարգելի

Քիչ առաջ ԿԳՍՄ նախարար Արայիկ Հարությունյանը սոցցանցի իր էջում հայտնեց, որ հունվարի 8-ից մինչև փետրվարի 15-ի բացակայությունները կհամարվեն հարգելի:

«Այս օրերին անընդհատ տարբեր լրատվամիջոցներով խոսվում է այն մասին, որ համաճարակային ֆոնը բարձր է, փոփոխվում է, դասերը պետք է դադարեցնել: Դասերը դադարեցնելու առիթ այժմ չկա, բայց որոշում ենք կայացրել` այս օրերին դպրոցից հիվանդության պատճառով բացակայած աշակերտի համար հունվարի 8-ից մինչև փետրվարի 15-ի բացակայությունները համարել հարգելի»,- ասաց նախարարը:

Հիշեցնենք, որ հանրապետությունում սուր շնչառական վարակներով բացակայությունը կազմել է 5,8%-ը (նման ցուցանիշ արձանագրվել է նաև փետրվարի 11-ին): Սուր շնչառական վարակների տարածումը կրթական հաստատություններ հնարավորության սահմաններում բացառելու նպատակով, ներգրավվելով շահագրգիռ կառույցների ներուժը, շարունակվում է «համաճարակային ֆիլտրը»: Արդյունքում՝ չի թույլատրվել 1032(380-ը Երևանում, 652-ը՝ մարզերում) երեխայի մուտքը կրթական հաստատություններ: