1007 դիտում, 1 տարի առաջ - 2020-02-15 16:32

Հրդեհ՝ Հայիթիի մանկատներից մեկում․ 15 երեխա է զոհվել

Հրդեհ՝ Հայիթիի մանկատներից մեկում․ 15 երեխա է զոհվել

Հայիթի մայրաքաղաք Պորտ-օ-Պրենսից հարավ հրդեհ է բռնկվել մանկատներից մեկում, ինչի հետեւանքով զոհվել է 15 երեխա: Նրանցից երկուսը ստացած այրվածքներից տեղում մահացել են, իսկ մյուս 13-ը՝ հիվանդանոցում՝ շնչառական խնդիրների պատճառով:

Փրկարարական խմբերը դեպքի վայր են ժամանել մոտոցիկլետներով եւ թթվածնի բալոններ կամ շտապօգնության մեքենաներ չեն ունեցել՝ երեխաներին ժամանակին հիվանդանոց տեղափոխելու համար: Հրդեհի պատճառը հետաքննվում է, բայց հայտնի է, որ մանկատանը գեներատորի խափանումից հետո էլեկտրականության փոխարեն մոմեր էին օգտագործում:

Հրդեհի պահին շենքում մոտ 60 երեխա է եղել: Իշխանություններն այժմ փորձում են ապահովել ողջ մնացածներին նոր կեցության վայրով կամ վերամիավորել նրանց իրենց ընտանիքների հետ: Մանկատունը, ի դեպ, գործել է առանց իշխանությունների թույլտվության, ինչպես հարյուրավորները Հայիթիում: