կարևոր
1275 դիտում, 1 տարի առաջ - 2020-02-13 20:28

Ջրագծի վթարի պատճառով Վանաձոր-Ալավերդի ճանապարհը փակ է

Վթար՝ Թումանյան-Վանաձոր ճանապարհին, Սատանի շրջադարձից քիչ ներքև` Վանաձոր քաղաքը սնուցող Նովոսելցովո-Վանաձոր ջրատարի վրա։ Քաղաքի ջրամատակարարումը դադարեցված է։ Տեսանյութը՝ Tigran Sofyan-ի ֆեյսբուքյան էջից:

«Տրանսպորտային ծրագրերի իրականացման կազմակերպություն» ՊՈԱԿ-ից հայտնում են, որ Վանաձորից դեպի Ալավերդի 21-րդ կմ վրա ջրագծի վթարի պատճառով ճանապարհահատվածը ժամանակավորապես փակ է։

«Մ6, Վանաձոր-Ալավերդի-Վրաստանի սահման միջպետական նշանակության ավտոճանապարհի՝ Վանաձորից դեպի Ալավերդի 21-րդ կիլոմետրի վրա տեղի է ունեցել ջրագծի վթար: Վթարի հետևանքով ջուրը վնասել է ճանապարհի կողնակի և ծածկի մի հատված: Այժմ կատարվում են ճանապարհի ծածկի մաքրման և ժամանակավոր վերականգնման աշխատանքներ»,- ասված է հաղորդագրության մեջ։