կարևոր
925 դիտում, 1 տարի առաջ - 2020-02-13 19:00

2019-ի ընթացքում պետական սահմանի անցակետերում հայտնաբերվել է հետախուզման մեջ գտնվող 2171 անձ

2019-ի ընթացքում պետական սահմանի անցակետերում հայտնաբերվել է հետախուզման մեջ գտնվող 2171 անձ

ՀՀ պետական սահմանի անցակետերում 2019 թվականի ընթացքում ՀՀ ԱԱԾ սահմանապահ զորքերի կողմից կանխվել է պետական սահմանի խախտման 152 փորձ, բացահայտվել է անցակետերից դուրս պետական սահմանի խախտման 26 դեպք՝ 45 անձանց մասնակցությամբ և սահմանային ռեժիմի խախտման 92 դեպք՝ 179 անձանց մասնակցությամբ։ Այս մասին տեղեկացնում են ԱԱԾ մամուլի կենտրոնից:

Նույն ժամանակահատվածում կանխվել է ՀՀ պետական սահմանով թմրամիջոցների ներկրման 2 փորձ, ինչի արդյունքում ձերբակալվել է ՀՀ 4 քաղաքացի, և առգրավվել 6,5 կգ ընդհանուր զանգվածով տարբեր տեսակի թմրամիջոցներ:

2019 թվականի ընթացքում պետական սահմանի անցակետերում հայտնաբերվել և սահմանված կարգով ՀՀ ոստիկանությանն է փոխանցվել հետախուզման մեջ գտնվող 2171 անձ: