կարևոր
1013 դիտում, 1 տարի առաջ - 2020-02-12 13:30

Ձնաբքի պատճառով փակ են Շորժա եւ Սեւանի թերակղզու խաչմերուկից դեպի Ծովագյուղ ճանապարհը

Ձնաբքի եւ անբավարար տեսանելիության պատճառով բոլոր տեսակի տրանսպորտային միջոցների համար փակ են Շորժա եւ Սեւանի թերակղզու խաչմերուկից դեպի Ծովագյուղ ճանապարհը, ինչպես նաեւ Սիսիան-Գորիս միջպետական ճանապարհահատվածը:

Ուժեղ բքի պատճառով տասնյակ տրանսպորտային միջոցներ չէին կարողանում տեղաշարժվել ժողովրդին հայտնի Իշխանասարի խաչմերուկում, ինչպես նաեւ Երեւան-Երասխ-Մեղրի ավտոճանապարհի՝ Գորիսի տարածքում ընկած հատվածում: Արտակարգ վիճակը ստեղծվել էր դեռ նախօրեին: Քաղաքացիները գնում էին՝ մասնակցելու զինվորական երդմնակալության արարողությանը, սակայն Գորիս այդպես էլ չէին հասել եւ ամբողջ գիշեր մնացել էին արգելափակված: