1409 դիտում, 1 տարի առաջ - 2020-02-11 23:04

Կարապետ Չալյանը՝ բրոնզե մեդալակիր. ըմբշամարտի ԵԱ

Կարապետ Չալյանը՝ բրոնզե մեդալակիր. ըմբշամարտի ԵԱ

Իտալիայի մայրաքաղաքում ընթացող հունահռոմեական ոճի ըմբշամարտի Եվրոպայի առաջնությանը 77 կգ քաշայինների երրորդ տեղի համար մրցապայքարում գյումրեցի Կարապետ Չալյանը հաղթել է Բուլղարիան ներկայացնող հայազգի Հայկ Մնացականյանին: Գոտեմարտն ավարտվել է 3-0 հաշվով: Այսպիսով՝ Կարապետ Չալյանը նվաճել է առաջին մեդալը Հայաստանի հավաքականի համար:

Հիշեցնենք, որ Չալյանը որակվորման փուլում 11-2 հաշվով հաղթել էր Շվեյցարիան ներկայացնող Նիկոլաս Պետեր Քրիստենին, ապա 1/8  եզրափակչում 3-1 հաշվով հաղթել սերբ Վիկտոր Նեմեսին և դուրս եկել 1/4 եզրափակիչ, որտեղ էլ 5-2 հաշվով առավելության էր հասել բելառուս Պավել Լյախի նկատմամբ: Կիսաեզրափակչում Կարապետ Չալյանը 0-3 հաշվով պարտվել էր ադրբեջանցի Սանան Սուլեյմանովին: