կարևոր
1113 դիտում, 1 տարի առաջ - 2020-02-11 15:58

Նորայր Փանոսյանն ազատ է արձակվել

Նորայր Փանոսյանն ազատ է արձակվել

Վերաքննիչ քրեական դատարանը՝ դատավոր Նարինե Հովակիմյանի նախագահությամբ, բավարարեց ՍԴ նախագահ Հրայր Թովմսյանի սանիկ Նորայր Փանոսյանին կալանավորելու մասին դատարանի որոշման դեմ պաշտպանների բողոքը։ Այս մասին հաղորդել է պաշտպան Հովսեփ Սարգսյանը, ում փոխանցմամբ՝ Փանոսյանն արդեն ազատ է արձակվել։
Հիշեցնենք, որ 2020թ. հունվարի 9-ին Երևանի ընդհանուր իրավասության դատարանը՝ դատավոր Գագիկ Պողոսյանի նախագահությամբ, բավարարել էր ՍԴ նախագահ Հրայր Թովմասյանի սանիկ Նորայր Փանոսյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը։ Նորայր Փանոսյանը մեղադրվում է ՀՀ ՔՕ-ի 308-րդ հոդվածի 2-րդ մասով, այն է՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ։