Չինաստանում կորոնավիրուսից մահացածների թիվը գերացանցում է 1000-ը: Զոհվածների թվի կտրուկ աճը պայմանավորված է նրանով, որ երկուշաբթի միայն Հուբեյ նահանգում մահվան 106 դեպք է գրանցվել: Չինաստանում կորոնավիրուսով վարակման ավելի քան 42.600 հաստատված դեպք կա, նաեւ 319 հիվանդ՝ ավելի քան 24 երկրներում: BBC-ն հաղորդում է նաեւ պաշտոնազրկումների մասին: Չինաստանի իշխանություններն աշխատանքից ազատել են մի քանի բարձրաստիճան պաշտոնյաների, որոնց թվում են նաեւ Հուբեյի Առողջապահական հանձնաժողովի ղեկավարն ու կուսակցության քարտուղարը: