կարևոր
1472 դիտում, 1 տարի առաջ - 2020-02-10 17:50

Երկհարկանի տանը կաթսա է պայթել. տուժածներ չկան

Ճգնաժամային կառավարման ազգային կենտրոն փետրվարի 10-ին, ժամը 13:37-ին տեղեկություն է հաղորդվել, որ Լոռու մարզի Տաշիր քաղաքի 4-րդ թաղամասի Թումանյան փողոցի տներից մեկի փայտե կաթսան պայթել է, ինչի հետևանքով տան պատերը վնասվել են. տուժածներ չկան: Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից: 

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ պայթել է երկհարկանի տան (1-ին հարկը նկուղային է, 170 քմ) ինքնաշեն փայտե կաթսան, ինչի հետևանքով խոհանոցի արտաքին պատից մոտ 10 մ փլուզվել է, վնասվել են տան 2 միջնապատ, հյուրասենյակի առաստաղից՝ մոտ 6 քմ հատված և պատշգամբի վանդակապատի երկաթյա կառուցատարրերը (մոտ 3 մ)։