Մերկելը մտահոգություն է հայտնել Թուրքիայում Ջումհուրիյեթ թերթի աշխատակիցների ձերբակալության կապակցությամբ

Թուրքիայում Գերմանիայի դեսպանն այցելել է խնդրահարույց խմբագրություն...
merkel-erdogan

Գերմանիայի կանցլեր Անգելա Մերկելն իր հերթին խոր մտահոգություն է հայտնել Թուրքիայում գլխավոր ընդդիմադիր Ջումհուրիյեթ թերթի աշխատակիցների ձերբակալության կապակցությամբ։

Շվեյցարիայի նախագահի հետ ունեցած համատեղ ասուլիսում նա հայտարարել է, որ մամուլի ազատությունը կենտրոնական դեր է խաղալու ԵՄ-ին Թուրքիայի անդամակցության վերաբերյալ բանակցություններում.

«Ինձ ու ողջ կառավարությանը չափազանց մտահոգել է այն, որ մամուլի ու խոսքի ազատությունը նորից ու նորից խախտվում է։ Արդեն վշտալի միտման վերջին օրինակը Ջումհուրիյեթ թերթի գլխավոր խմբագրի ու լրագրողների հետ տեղի ունեցածն է»։

Մերկելը լուրջ կասկածի տակ է դրել Անկարայի այն կարծիքը, որ թերթի աշխատակիցների ձերբակալությունները չեն հակասում իրավական պետականության սկզբունքներին։

Նա ընդգծել է, որ Թուրքիայում Գերմանիայի դեսպանն այցելել է խնդրահարույց խմբագրություն, հավելելով, որ առկա իրավիճակը մտահոգիչ է։

 

*

*