Չինական դատարանի որոշմամբ 258 հազար դոլար կվճարվի 13 տարվա բանտարկությունից հետո արդարացված կնոջը — Երկիր Մեդիա

Չինական դատարանի որոշմամբ 258 հազար դոլար կվճարվի 13 տարվա բանտարկությունից հետո արդարացված կնոջը

Ցյան Ժենֆենն աշխատում Էր մանկամսուրում, որտեղ երեխաներից մեկը մահացել Էր սննդային թունավորումից, եւս երկու երեխաներ հոսպիտալացվել Էին:
dataran

Չինաստանի Յուննան հարավարեւմտյան նահանգի գերագույն ատյանի ժողովրդական դատարանը որոշել Է 1,73 մլն յուանի (258,3 հազար դոլար) չափով փոխհատուցում վճարել այն կնոջը, որն ավելի քան 13 տարի բանտում Է անցկացրել սպանության կեղծ մեղադրանքով: Այդ մասին տեղեկացնում Է «Սինհուա» գործակալությունը:

Ցյան Ժենֆենն աշխատում Էր մանկամսուրում, որտեղ երեխաներից մեկը մահացել Էր սննդային թունավորումից, եւս երկու երեխաներ հոսպիտալացվել Էին: Դատարանը պարզել Է, որ կնոջը, որն այն օրը պատրաստել Էր կերակուրը, ճնշման ներքո ստիպել են խոստովանական ցուցմունքներ տալ եւ հայտարարել, որ ինքը մկնդեղ Է ավելացրել կերակուրին:

Ցյան Ժենֆենի նկատմամբ դատավճիռը կայացվել Էր 2002 թվականի փետրվարին: 2013 թվականի հուլիսին Յուննանի նահանգի դատախազությունը վերաբացել Է նրա գործը եւ երկու տարի տեւած հետաքննությունից հետո եկել Է այն եզրակացության, որ մեղադրանքն ապացուցված չԷ: Անցյալ տարվա դեկտեմբերին դատարանը փոխել Է նախկին դատավճիռը եւ ազատել կնոջը:

Ցյան Ժենֆենը իշխանություններից փոխհատուցում Էր պահանջել 9,55 մլն յուանի (1,45 մլն դոլար) չափով, հաղորդել Է ՏԱՍՍ-ը:

*

*