Թուրքիան Երուսաղեմը համարում է Պաղեստինի մայրաքաղաք, Ռուսաստանը՝ ոչ

Ըստ Էրդողանի՝ Թրամփի կողմից Երուսաղեմը որպես Իսրայելի մայրաքաղաք ճանաչելու մասին որոշումը իրավական ուժ չունի։
erdoghan

Թուրքիայի նախագահ Ռեջեփ Թայիփ Էրդողանը Ստամբուլում հրավիրված Իսլամական համագործակցություն կազմակերպության գագաթաժողովի ժամանակ հորդորել է իսլամական պետություններին Երուսաղեմը ճանաչել որպես Պաղեստինի օկուպացված մայրաքաղաք:

Թուրքիայի նախագահը հերթական անգամ հայտարարել է, որ ԱՄՆ նախագահ Դոնալդ Թրամփի կողմից Երուսաղեմը որպես Իսրայելի մայրաքաղաք ճանաչելու մասին որոշումը որևէ իրավական ուժ չունի։

«Մի ժամանակաշրջանում, երբ ինտենսիվ պայքար է ընթանում ահաբեկչության դեմ, Միացյալ Նահանգները «յուղ է քսում մոլեռանդների հացին»,- հայտարարել է Էրդողանը:

ԱՄՆ նախագահ Դոնալդ Թրամփը դեկտեմբերի 6-ին հայտարարել է, որ պաշտոնապես ընդունում է Երուսաղեմը որպես Իսրայելի մայրաքաղաք:

Թուրքիայի դիրքորոշումը տվյալ դեպքում չի համընկնում Մոսկվայի դիրքորոշման հետ․ ավելի ուշ հայտարարել է ՌԴ նախագահի մամուլի քարտուղար Դմիտրի Պեսկովը:

*

*