ԱՄՆ-ում ստեղծված ռոբոտ-վիրաբույժը մասնագետներից ավելի լավ է վիրահատում — Երկիր Մեդիա

ԱՄՆ-ում ստեղծված ռոբոտ-վիրաբույժը մասնագետներից ավելի լավ է վիրահատում

ԱՄՆ-ից գիտնականները STAR-ն առաջին անգամ փորձարկել են խոզերի վրա, քանի որ նրանց ներքին օրգանները մոտ են մարդկանց:
robot-virabuyj-star

ԱՄՆ-ում ստեղծվել է աշխարհում առաջին ռոբոտը, որը վիրահատական որոշ գործողություններ մարդուց լավ է կատարում:

STAR (Smart Tissue Autonomous Robot) սարքը կազմված է ռոբոտացված ձեռքից եւ կար դնելու համար նախատեսված ավտոմատացված սարքից:

ԱՄՆ-ից գիտնականները STAR-ն առաջին անգամ փորձարկել են խոզերի վրա, քանի որ նրանց ներքին օրգանները մոտ են մարդկանց: Փորձարկումների ընթացքում հիմնականում հեռացվել են ուռուցքներ: Այս մասին հայտնում է «ՌԻԱ Նովոստի»-ն՝ վկայակոչելով Financial Times-ին:

«Արդյունքներն ապշեցուցիչ էին մեզ համար, STAR-ի գործողություններն ավելի հստակ էին, քան վիրաբույժներինը»,- նախագծի բժշկական մասնագետի խոսքը մեջբերում է թերթը:

Ըստ նրա, չնայած ռոբոտը նախատեսված է ինքնուրույն աշխատանքը կատարելու համար, սակայն յուրաքանչյուր պահի վիրաբույժը կարող է միջամտել: Մեկ «քլիքը» կկանգնեցնի ռոբոտին:

Մասնագետների կարծիքով ռոբոտը մեծ պահանջարկ կունենա այնպիսի վիրահատություններում, ինչպիսիք են կույրաղիքի վիրահատությունը եւ լեղապարկի հեռացումը:

Թերթը նշում է, որ հետազոտության արդյունքները թույլ են տալիս ենթադրել, որ կլինիկական փորձարկումները կսկսվեն մոտակա երկու-երեք տարիների ընթցքում:

*

*