Սմարթֆոն՝ 4 խցիկով եւ առանց Google-ի․ Huawei-ը սպառողներից փոխզիջում է ակնկալում

«Մենք փորձում ենք ամեն ինչ անել սպառողների համար»
huawei

Huawei չինական ընկերությունը ներկայացրել Է Android օպերացիոն համակարգով աշխատող Mate 30 եւ Mate 30 Pro ֆլագմանական շարքի սմարթֆոններ, բայց առանց Google լիցենզիոն հավելվածների: Այդ մասին հայտնել է Bloomberg-ը:

Շնորհանդեսի ժամանակ Huawei Consumer Group-ի գլխավոր տնօրեն Ռիչարդ Յուն,
պատասխանելով Google-ի ծառայություններին վերաբերող հարցին, պատմել Է, որ, չնայած ԱՄՆ-ի իշխանությունների կողմից Huawei-ի հետ համագործակցելու ամերիկյան IT-հսկայի համար սահմանված արգելքին, գնորդները կարող են ինքնուրույն ներբեռնել Google-ի մի քանի հավելվածներ կամ օգտվել հավելվածների հասանելի վեբ-տարբերակներից: «Մենք փորձում ենք ամեն ինչ անել սպառողների համար, բայց մեզ ժամանակ է հարկավոր այդ խնդիրը լուծելու համար,- ասել է նա,- «Սպառողը կարող է փոխզիջման գնալ»:

Mate 30-ը եւ Mate 30 Pro-ն աշխատում են Kirin 990 պրոցեսորով՝ 5G ցանցերի օժանդակությամբ: Երկու սմարթֆոնի վրա էլ տեղակայված են Leica խցիկներ. Mate 30-ն ունի երեք խցիկ, Mate 30 Pro-ն՝ չորս. լրացուցիչ տեղադրված է օբյեկտիվ՝ ֆոնի կարգավորման հատուկ սենսորով:

Եվրոպայում Mate 30-ի արժեքն սկսվում է 799 եվրոյից, Mate 30 Pro-ինը, առանց 5G-ի օժանդակության, 1099 եվրոյից, իսկ օժանդակությամբ՝ 1199 եվրոյից:

*

*