Ջորկաեֆը պատրաստ է լրջորեն աջակցել հայկական ֆուտբոլին. Փաշինյան

Վարչապետն իր աշխատանքային օրն սկսել է ֆուտբոլիստի հետ հանդիպումով
jorkaef-pashinyan2 (1)

Հայաստանի Հանրապետության վարչապետ Նիկոլ Փաշինյանը հուլիսի 9-ի աշխատանքային օրը սկսել է աշխարհահռչակ հայազգի ֆուտբոլիստ Յուրի Ջորկաեֆի հետ հանդիպումով: Այս մասին նա գրառում է կատարել իր ֆեյսբուքյան էջում:

«Աշխատանքային օրը սկսեցի աշխարհահռչակ հայազգի ֆուտբոլիստ, աշխարհի եւ Եվրոպայի չեմպիոն Յուրի Ջորկաեֆի հետ հանդիպումով։

Նա ասաց, որ ոգեշնչված է հայկական հեղափոխությամբ ու պատրաստ է լրջորեն աջակցել Հայաստանին եւ հայկական ֆուտբոլին»,- գրել է նա:

Ջորկաեֆը հուլիսի 8-ին Երևանի «Հանրապետական» մարզադաշտում մասնակցեց համաշխարհային ֆուտբոլի լեգենդար վետերանների խաղին, որտեղ մրցեցին Եվրոպայի և Լատինական Ամերիկայի խորհրդանշական հավաքականները: 5:2 հաշվով հաղթեց Լատինական Ամերիկան: Եվրոպայի թիմում գոլի հեղինակ դարձավ նաև Յուրի Ջորկաեֆը:

*

*