Ֆուտբոլի ազգային թիմի նորեկը

Ֆուբոլիստների ցուցակում առկա է նաև հայ ֆուտբոլասերին ոչ այդքան հայտնի Նորբերտո Բրիասկոյի անունը:
norberto-briasko

Ֆուտբոլի Հայաստանի ազգային թիմի գլխավոր մարզիչն առաջիկա երկու ընկերական խաղերից առաջ ներկայացրեց արտերկրում հանդես եկող ֆուբոլիստների ցուցակը, որում առկա էր նաև հայ ֆուտբոլասերին ոչ այդքան հայտնի Նորբերտո Բրիասկոյի անունը:

«Արմենպրես»-ը ներկայացնում է մի քանի հետաքրքիր փաստեր ազգային ընտրանու նորեկի մասին: Բրիասկոն ծնվել է 1996 թվականին: 22-ամյա ֆուտբոլիստը հանդես է գալիս կենտրոնական հարձակվողի դիրքում: Ֆուտբոլիստի հասակը 182 սմ է: Երկու մրցաշրջանի ընթացքում Բրիասկոն «Աթլետիկո Ուրական»-ի կազմում ընդհանուր առմամբ խաղացել է 1644 րոպե (23 խաղ) և դարձել է 4 գոլի հեղինակ:

Հայաստանի ֆուտբոլի ազգային թիմի գլխավոր մարզիչ Արթուր Պետրոսյանն ընկերական խաղերի համար արտերկրում հանդես եկող 13 ֆուտբոլիստ է հրավիրել:

Մարտի 24-ին՝ ժամը 18:00-ին՝ Վազգեն Սարգսյանի անվան «Հանրապետական» մարզադաշտում կկայանա Հայաստան-Էստոնիա ընկերական հանդիպումը, իսկ մարտի 27-ին՝ ժամը 19:00-ին՝ Վազգեն Սարգսյանի անվան «Հանրապետական» մարզադաշտում կկայանա Հայաստան-Լիտվա ընկերական հանդիպումը:

*

*