Ըմբիշ Միհրան Հարությունյանը ևս մեկ անգամ կվիրահատվի Լեհաստանում

Միհրանը Օլիմպիական խաղերից հետո դեռևս մրցագորգ դուրս չի եկել:
mihran-harutyunyan

Հունահռոմեական ոճի ըմբիշ Օլիմպիական խաղերի փոխչեմպիոն Միհրան Հարությունյանը բուժզննում է անցել Լեհաստանում:

«Արմենպրես»-ի փոխանցմամբ՝ օլիմպիական արծաթե մեդալակիրը հետազոտվել է Պոզնանում, իսկ հուլիսի 21-ին նրա ուսը վիրահատության կենթարկվի: Ըմբիշի մյուս վիրահատությունը սպասվում է դրանից մեկ շաբաթ անց:

Ռիոյի 31-րդ ամառային Օլիմպիական խաղերի փոխչեմպիոնը 2016 թվականի հոկտեմբերին վիրահատվել էր Գերմանիայում: Միհրանը Օլիմպիական խաղերից հետո, որին մասնակցել էր վնասվածքներով, դեռևս մրցագորգ դուրս չի եկել:

*

*