Տարվա լավագույն մարզիչը — Երկիր Մեդիա

Տարվա լավագույն մարզիչը

2-րդ տեղում է Վահագն Հարությունյանը
niksha-backevich

Հայաստանի բասկետբոլի հավաքականի մարզիչ Նիկշա Բավցևիչը ճանաչվել է տարվա լավագույն մարզիչ:

«Արմենպրես»-ի հաղորդմամբ` հարցման արդյունքում առաջին հորիզոնականում է հայտնվել Հայաստանի հավաքականի գլխավոր մարզիչ Նիկշա Բավցևիչը: Նրա գլխավորությամբ Հայաստանի հավաքականը անցկացրել է 8 պաշտոնական հանդիպում, որոնցից 4-ում հաղթանակ է տոնել:

2-րդ տեղում է Վահագն Հարությունյանը, ում գլխավորությամբ Հայաստանի կանանց մինչև 18 տարեկանների հավաքականը Եվրոպայի C դիվիզիոնում դարձել է արծաթե մեդալակիր, իսկ կանանց մինչև 16 տարեկանների հավաքականը հռչակվել է Եվրոպայի առաջնության հաղթող:

Եռյակը եզրափակել է Հայաստանի մինչև 16 տարեկանների տղամարդկանց հավաքականի գլխավոր մարզիչ Արեգ Վաթյանը: Վերջինիս գլխավորությամբ Հայաստանի մինչև 16 տարեկանների հավաքականը դարձել է Եվրոպայի C դիվիզիոնի առաջնության չեմպիոն:

Հարցմանը մասնակցել է 26 մարզական լրագրող։

*

*